Idioma: Creole.
Comunidad Raizal. (Provenientes del Archipiélago de San Andrés, Providencia y Santa Catalina)

Fricuent Kuestians 

Luocal Alcaldías:

Juuh ripuort dih operieshan af uan comershal stablishment, weh apieratly no gat non permishan?
Dih complien mek too dih luocal municipalitis truuh uan comunikieshan fill, dem kian alsoo mek dih complien presenshaly iina dih paints dem fan atenshan too dih citizens.

 Juu mantien dih park dem iina dih niebahoods?
Dis carrispans too dih luocal municipalitis or luocal mieyors.

Wah ours dih luocal municipalitis or luocal mieyors fan dih Districk Afice Govament?
Openin owars: fan Mondeh toh fraideh fram 7:00 am toh 4:30 pm.

Toh juu wiih fih beg permishan fih use uan niebahood park?
Ah fih sen dih rikuest toon dih Carispandin luocal mieyors afiss.

Muuv iin an out fan dih citiih

Juu expaya uan permishan fih kian muuv iina dih citiiih?
Fan dih entrii iina fuors af dih Laah 962 fan 2005, yoh no niid non permishan fih kian muuv roun. Nevadihles yoh shud gat prisent dih secan articl fan dih districk decrii 495 fan 2005; weh seh dih sckediu stablish fih muuv dah fan 6:00 a.m. till 6:00 p.m. fan sundeh tooh sundeh.

Atenshan toh dih citizens dem.

Juu expaya dih canstrucshan laisens dem?
Dih urban curadurías, jios jou dih articl 3 af dih decii 1469 af 2010 stablish.

 Juu autoriz dih filin af uan trih?
Dih rickues fih mek deh fiil uan dacument dah dih mieyor, wid uan capii too dih botanikal gardn, IDU ann dih districk secritery af envayarment.

Wish rikuayaments uan porsn weh gat farin nashonaliti ann dih resident dem af dih capital districk fih prisent fih get dih certifiket af residens?
Dis pruoces dah personal ann yoh hafi prisent dih farin identifikieshan kiad. Iina dih kies fan farin mainas, yoh hafi prisent dih VISA. Yoh biill fan uan publick sorvis weh u pie no muo ann tuuh mons (CODENSA, EAAB, GAS NATURAL). Original dacument weh sopuort dih referens fan dih adres weh yoh liiv, anda dih principl af guud fiet.

Weh paat dih Urban Curadurías lokiet iina Bogotá D.C.?

a) Urban curaduría N.1: 97 striit # 13 – 55
b) Urban curaduría N.2: 99 striit # 10 - 32
c) Urban curaduría N.3: 97 striit # 13 - 55
d) Urban curaduría N.4: Naat hiwey # 97 - 50
e) Urban curaduría N.5: Naat hiwey # 97 - 70

Jou ai kian fiill uan petishan, complien bifore dih Secriteri af Govament?

Dih shanels weh avielabl dah:

• Telifon: Deh mark 3387000 extenshans 4341 - 4342 - 4343 - 4345 - 4346 ann 4347 or frii call toh dih 195, Capital Districk informieshan lain.
•  Writn: Yoh kian regista iit bai dih CDI fan dih tuenty (20) luocal haal dem or bai dih Secriteri af Govament weh stie 11 striit # 8 – 17 fos fluo.
•   Truu Internet: Deh enta iinah dih pieg: www.bogota.gov.co/sdqs/
•  Truu Email: Bogotá Te Escucha - Sistema Distrital de Quejas y Soluciones
•  Personali: Iinah dih citizen sorvis ofis dem weh lokiet iinah dih tuenty (20) luocal mieyors, iinah dih SuperCade fan Suba ann Cr 30 or iinah the Districk Secriteri af Govament weh stie 11 striit # 8 – 17 fos fluo.

Too juu ah shuda ripuort wen uan nieba lef trash or adas tings pan dih ruod?
Dih metropolitaan polis dah juu incharg fih aplay uan envaramental comparisn.

Publick Shows

Wish prociitments aih shuda fallah fih gat dih servis fan uan delegiet fan constes af dih Districk Secriteri af Govament?
Uan piement af $ 199,520 pesos, weh yoh hafi pieh da dih Districk Treshory weh lokiet iinah dih Administrativ Centa pan the 26 striit with 30; wen time u don pie u hafi atach dih suuports iinah dih pieg fan dih Districk Secriteri af Govament, link fan servisis – Delegiet Asigment fih dih supervisan af giems ann competishans.

Waah yoh shuda doh fih rikues uan delegiet fan contes?
Dis rikues yoh meki online iinah dih pieg fan dih Districk Secriteri af Govament, complitin dih rikues fih dih delegiet fan contes wid atlis faiv dies bifor dih event.

Toh juu yoh fih rikuest dih delegiet fan contes?
Dih Districk Secriteri af Govament truu dih administrativ dipartment incharg fih insur dih compliens wid dih condishan weh stablish, dih regulieshan ann dih guud divelopment; soh da bifor dis instas yoh fih rikuest.

Wish rikuayaments yoh hafi fullfiil fih dih instalieshan fan uan inflatebl iinah uan parck?

Fih dih intalieshan ann funshan fan dih amusment parcks yoh hafi gat forst uan

registrieshan truu SUGA, www.suga.gov.co. Fih dih registrieshan wid dih Districk

Secriteri af Govament yoh hafi fullfiil dih falowin rikuayaments:

•  Certifikiet fan existans ann ligal representieshan, fan dih ligal entiti dem weh want instal atracshans iinah uan amusment parck, fih put dem iinah operieshan, ius dem an exploot dem or mercantil registri or identifikieshan kiad or RU, fih dih natural porsns.
•  Cantrack or autorizieshan fan dih uona or huolda fan dih plies weh dih atrackshan or entatientment uan operiet.
•  Extra contractual civil risponsabiliti policii weh covah civil layabiliti araisin fram injurs too visitars ann usars fan dih amustment ann atrackshan parcks.
•  Uan tecnical shiit fan all dih atrackshan dem weh dih instalah giiv, ann shuda gat aleas informashan fan: dih capacitii, candishan an restrickshan fan ius, mantienans plan, betien oders.
•  Uan signag plan wid dih candishans an restrickshans fih use, ricomend by dih instalah.
•  Emergencii plan fih dih plies weh dih parck uan operiet.
•  Certifikieshan fan uan existans fih medical servises fih emergencii kier wid uan legal entiti.
•  Certifikieshan af pritests deh falla dih instalah recomendieshans.

Certifiket af residens.

Wish rikuayaments i fih fullfiill fih get dih certifiket af residens?

• Mek dih rikuest personali; prisent yoh identifikieshan kiad, civil registri or identiti kiad.
• Yoh biill fan uan publick sorvis weh u pie no muo ann tuuh mons (CODENSA, EAAB, GAS NATURAL). Original dacument weh sopuort dih referens fan dih adres weh yoh liiv, anda dih principl af guud fiet.  

Potenshionalii Diengaros Dogs

Wish dacuments yoh shuda brin fih regista uan potenshionalii diengaros dog?

• Sen uan letta deh infarm:
• Niem fan dih dog copii.
•  Identifikieshan ann plies weh dih uona liiv.
•  Uan complit descripshan fan dih characteristiks weh identifii dih dog copii.
•  Atach fuoto fan dih dog, siz 3x4.
•  Fuotocapii fan dih identifikieshan kiad.
•  Fuotocapii fan dih vacksinieshan kiad.
•  Extra contractual civil risponsabiliti policii

 Bifore wish dependens fan dih luokal mieyors, yoh shuda registah uan potenshionalii diengaros dog?

Dih department fih carriout dem hier proces dah dih legal coordinieshan af ich luokal mieyors. Dis sorvis dah frii.

Misin dacuments 

Wah ai shuda doh fih cliem mai identiti dacument weh apier iinah dih last dacument bank?
Personali, yoh hafi rikues dih dacuments af dih Districk Secriteri af Govament weh stie 11 striit # 8 – 17 fos fluo.

Horizontal prapati

Fan dih govament pieg, yoh kian actualiz dih dieta fih dih certifikieshan af legal representieshan af horizontal prapati?

 Dih no pasabl fih actualiz dieta direcli fan dih web af dih Districk Secriteri af Govament, dis radikieshan yoh hafi mek it direc iinah dih mieyor. Dis proces dah frii.